Врз основа на член 57, член 108 и член 110 од Законот за високото образование („Службен весник на РМ“ број 35/2008), Универзитетот за аудиовизуелни уметности, Европска Филмска Театарска и Танцова академија ЕФТА Скопје објавува КОНКУРС за запишување студенти во прва година на прв и втор циклус студии во учебната 2016/2017 година.

1. Број на студенти

На факултетите (единиците) на Универзитетот за аудиовизуелни уметности Европска Филмска Театарска и Танцова академија ЕФТА-Скопје, во прва година на прв циклус универзитетски студии (додипломски студии) и на втор циклус универзитетски студии (специјалистички студии и постдипломски - мастер студии), во учебната 2016/2017 година ќе се запишат следниов број студенти:

ДОДИПЛОМСКИ СТУДИИ (3 години, 6 семестри):

- Факултет за театарски уметности
o Студиска програма: Театарски уметности – 40 студенти
(Театарска режија, Актерска игра, Драматургија)

- Факултет за филмски уметности
o Студиска програма: Филмски уметности - 50 студенти
(Филмска и Тв режија, Филмска и ТВ Камера, Филмска и ТВ монтажа, Фотографија, Продукција, Анимација, Звучен Инженеринг, Музичка Продукција)

- Факултет за применета музика
o Студиска програма: Музичка уметност - 30 студенти
(Композиција на филмска музика, Вокална интерпретација, Интерпретација на популарна музика)
o Студиска програма: Современ танц - 10 студенти
(Современ танц)

СПЕЦИЈАЛИСТИЧКИ СТУДИИ (1 година, 2 семестри):

- Факултет за театарски уметности
o Студиска програма: театарски уметности - 20 студенти
(Театарска режија, Актерска игра, Драматургија)

- Факултет за филмски уметности
o Студиска програма: Филмски уметности - 30 студенти
(Филмска и Тв режија, Филмска и ТВ Камера, Филмска и ТВ монтажа, Продукција, Анимација, Звучен Инженеринг, Музичка Продукција)

- Факултет за применета музика
o Студиска програма: Музичка уметност - 20 студенти
(Композиција на филмска музика, Вокална интерпретација, Интерпретација на популарна музика, Современ танц, Кореографија)

ПОСТДИПЛОМСКИ МАСТЕР СТУДИИ:

- Факултет за театарски уметности
o Студиска програма: Сценски уметности - 20 студенти

- Факултет за филмски уметности
o Студиска програма: Аудиовизуелни уметности - 30 студенти


2. Услови и критериуми за запишување
- Право на запишување на прв циклус универзитетски студии (додипломски студии) имаат кандидатите со завршено четиригодишно средно образование во средни училишта верифицирани со акт на Министерството за образование и наука, кои положиле државна матура, меѓународна матура или училишна матура во уметничко образование. Право на запишување на прв циклус универзитетски студии (додипломски студии) имаат и кандидати со завршено четиригодишно средно образование пред роковите за полагање на државна матура. Странски државјани може да се запишат на студии под истите услови како и државјаните на Р. Македонија. Кандидатите се запишуваат како редовни студенти со самостојно надоместување на трошоците на студиите. Надоместокот за студирање на факултетите во состав на Универзитетот, е регулиран со правилник за наплата на школарина и изнесува од 2000 - 3000 евра во денарска противредност.
- Право на запишување на втор циклус специјалистички универзитетски студии, имаат кандидатите со завршено тригодишно високо образование од прв циклус (стекнати 180 кредити). Странски државјани може да се запишат на студии под истите услови како и државјаните на Република Македонија. Надоместокот за студирање на факултетите во состав на Универзитетот, изнесува од 2000-3000 евра во денарска противредност .
- Право на запишување на втор циклус постдипломски универзитетски студии (мастер) имаат кандидатите со завршено четиригодишно високо образование од прв циклус (стекнати 240 кредити), односно тригодишно високо образование од прв циклус и едногодишни специјалистички студии (стекнати 180+60 кредити). Странски државјани може да се запишат на студии под истите услови како и државјаните на Република Македонија. Надоместокот за студирање на факултетите во состав на Универзитетот, изнесува 800 евра од семестар во денарска противредност, а надоместокот за одбраната на магистерскиот труд изнесува 400 евра.
- Наставата се изведува на македонски и англиски јазик.


3. Рокови и потребни документи за пријавување и запишување

Пријавувањето на кандидатите се врши од денот на објавувањето на конкурсот и трае до 01.10.2016 за додипломски студии и до 01.11.2016 за специјалистички и постдипломски студии.
При пријавувањето за запишување на факултетите, кандидатите ги поднесуваат следниве документи:
a. Пријава за запишување
b. Свидетелство за завршено средно образование / За запишување на последипломски, мастер студии - Диплома за завршен прв циклус на студии, куса биографија (CV), документи за евентуални награди, признанија (авторски трудови), препораки и сл.
c. Извод од матичната книга на родените
d. Кандидатите странски државјани, со пријавата, поднесуваат нострифицирано свидетелство за завршено средно образование (за додипломски студии) т.е. диплома за завршен прв циклус на студии (за постдипломски студии) во странство.

Документите се поднесуваат до:
Универзитет за аудиовизуелни уметности,
ул. Никола Русински, бр.1. 1000 Скопје,
телефон. 02 3061 543 /
e-mail: info@esra.com.mk / esraskopje@gmail.com

Конкурсот е објавен и на интернет страна на Универзитетот:
www.esra.com.mk / www.efta.edu.mk

Универзитетот за аудиовизуелни уметности, во соработка со Кинотеката на Македонија организира бесплатни проекции за средношколци. Проекциите ќе се одвиваат два пати неделно, во понеделник и среда во терминот од 12:30 часот.
По секоја пројекција, за значењето и естетиката на филмскиот медиум ќе говорат проф. Стефан Сидовски и проф. Радомир Поповски, по што ќе следува отворена дискусија.

Програма:

1. С. Кјубрик - 2001 Одисеја во вселена (2001 Space Odyssey, 1968), дата: 11.04.2016
2. Ж. Л. Годар – Без здив (Breathless, 1960), дата: 13.04.2016
3. Обожение (Дипломски филм на К. Каракаш и С. Подлешанов), дата: 18.04.2016
   
4. Проекција на студентски филмови , дата: 20.04.2016 
   
5. К. Кишловски - Краток филм за убивство (A Short Film About Killing, 1988), дата: 02.05.2016
6. А. Звјагинцев - Вракјање (The Return, 2003), дата: 04.05.2016 

За дополнителни информации:
+389 78 318 089; +389 78 814 817
http://www.esra.com.mk/

Минатата недела (на 31 март), група студенти и професори на Универзитетот за аудиовизуелни уметности, беше во посета на студиото Бојана Филм, во Софија, Р. Бугарија. Во прилог следат повеќе фотографии од посетата.

УНИВЕРЗИТЕТОТ ЗА АУДИОВИЗУЕЛНИ УМЕТНОСТИ ОРГАНИЗИРА
ОБУКИ ЗА АПЛИКАТИВНА МУЗИКА И МУЗИКОТЕРАПИЈА
 
Обуките нудат нов концепт на специјализирано образование за возрасни со примена на најнови истражувачки искуства во психологијата на музиката и музикотерапијата во концептот на применетата музика и искористувањето на музичките искуства во немузички цели. Обуката е наменета за сите заинтересирани, чиј профил на образование е од областа на образованието, медицината, психологијата, дефектологијатa, музичката уметност, драмската уметност и ликовната уметност. Изведбата на обуките ќе се одвива во формат на обучувачка работилница, со тематски модули, чиј број, зависи од нивото на обуката.
 

• Прво ниво (основно):
  

Услов за посетување:
Завршен V, VI или VII степен на образование од наведените профили.
Временска рамка за изведба на обуката:
еден месец, со вкупно 8 часа (еднаш седмично во блок од 2 часа)
Цена: 50 евра, во денарска против вредност
 

• Второ ниво (напредно):
  

Услов за посетување:
Завршен V, VI или VII степен на образование од наведените профили.
Временска рамка за изведба на обуката:
3 месеци, со вкупно 24 часа (еднаш седмично во блок од 2 часа)
Цена: 150 евра, во денарска против вредност
 

• Трето ниво (завршно):
  

Услов за посетување:
Завршен VI или VII степен на образование од наведените профили.
Временска рамка за изведба на обуката:
6 месеци, со вкупно 48 часа (еднаш седмично во блок од 2 часа)
Цена: 300 евра, во денарска против вредност

Во Македонскиот народен театар на 21 јануари 2016, со почеток во 20 часот, непосредно пред почетокот на изведбата на претставата „Вечната куќа“, ќе биде промовирано изданието на собраните драми на Јордан Плевнеш, коишто се играни во повеќе европски и светски земји. Ексклузивната книга е во издание на Македонскиот народен театар.
Приредувач е д-р Јелена Лужина, а присутните со пригодна реч, во присуство на авторот Јордан Плевнеш, ќе ги поздрави добитникот на наградата за хуманизам 2016, хрватскиот академик Дарко Гашпаровиќ.

Дали си на возраст од 21 до 30 години, зборуваш англиски и имаш почетна креативна идеја за бизнис? Дали планираш да регистрираш или штотуку си почнал со креативен стартап? Пријави се на уникатна практична обука за претприемништво и запознај се со истомисленици од целиот регион. Добиваш шанса твојата бизнис идеја да те однесе до Лондон!
Канцеларијата на Британскиот совет објави повик за бесплатна обука на млади креативци кои сакаат да развивајат сопствен бизнис во рамките на нивните дејности.
Може да се пријават кандидати од различни области како што се дизајнери, музичари, филмаџии, сниматели, тонци итн, кои сметаат дека имаат недостиг од деловни вештини за да ја развијат или реализираат својата идеја. Оценките од сите досегашни учесниците што ја поминале обуката се пофални, а што е највашно истата им помогнала да согледаат дали она со што сакаат да да се занимаваат може да има конкретна економска придобивка во нивната идна работа. Потребните информации за пријавувањето може да се најдат на следните линкови: Линк 1 и Линк 2
Рокот за пријавување е 31 декември 2015, а обуката ќе се одржи во Скопје од 18 до 23 јануари 2015. Сите трошоци за учество се покритени од организаторот.

Универзитетот за аудиовизуелни уметности и првиот македонски дневен весник “Нова Македонија” распишуваат КОНКУРС за изработка на краток филм на тема “Женски права”.
На конкурсот може да се јават автори на возраст од 15 до 35 години. Конкурсот трае до 10 Февруари 2015.
На Конкурсот може да се испратат кратки филмови со времетраење до 5 минути и не поголеми од 2GB.
Нема ограничување во однос на техниката на снимање и жанрот на филмовите.
Сите пристигнати филмови во периодот од 15 до 29 Февруари, ќе бидат постирани на YouTube каналот на Универзитетот за аудиовизуелни уметности, а филмот со најмногу лајкови ќе ја добие наградата од публиката.
Стручно жири на Универзитетот за аудиовизуелни уметности и Нова Македонија, ќе направи селекција од 15 најдобри филмови ќе биде прикажана во рамките на седмото издание на фестивалот Вечери на женски права, кое ќе се одржи од 6 до 8 март 2016 година. Авторите на 15-те селектирани филмови ќе добијат право на 50% попуст при упис на Универзитетот за аудиовизуелни уметности.
Најдобриот филм според стручното жири ќе биде прикажан и на фестивалот на Југо-источна Европа во Париз, во периодот од 1 до 5 Јуни 2016, а најдобриот филм според публиката ќе биде прикажан на фестивалот на Југо-источна Европа во Берлин во периодот од 26 до 29 Мај 2016 (www.seeaparis.com).
Авторите на најдобриот филм според стручното жири и најдобриот филм според публиката ќе бидат гости на фестивалите во Париз и Берлин.
Филмовите треба да се праќаат преку WeTransfer на следната маил адреса:
produkcija@esra.com.mk

Во свечената сала за докторски дисертации на Институтот Пантеон - АСАС кој е дел на Париската Сорбона, на 08 Декември 2015 година, скопјанката Ангелина Ајаноска со највисока оценка ја одбрани докторската дисертација “Македонскиот медиумски пејзаж”, плод на нејзината шест годишна интензивна научно-истражувачка дејност.
Во тезата се опфатени првите македонски весници во преродбата од почетокот на XIX век, печатени во различни балкански центри, како и весниците на македонската интелигенција во светските центри во Париз, Санкт Петерсбург, Женева и Лондон, со посебен акцент во периодот меѓу двете светски војни. Тезата продолжува со круната на асномска Македонија и првиот број на Нова Македонија во 1944 година и понатаму,  од 1991 година по осамостојувањето на Македонија, првиот дневен весник “Република”, како и сите македонски медиуми кои излегуваат на сите јазици во Мaкедонија, правејќи една европска лабораторија на културната и информатичката коегзистенција.
Ментор на нејзината теза е професор Фабрис Далмеида, автор на научните бестселери за медиумите како: “Сликите на пропагандата”, “Манипулација”, “Историја на медиумите во Франција” и други. Претседател на комисијата е Валери Древилар, а посебно признание кон високо образовниот систем на Република Македонија е тоа што како член на комисијата и главен автор на академскиот извештај учевствуваше и Ректорот на Универзитетот за аудиовизуелни уметности, Јордан Плевнеш.
Комисијата во својата оценка го предложи докторатот за објавување кај европските и македонските издавачи, за да се запознаат со идентитетот на македонскиот народ, за кој доајенот на француската поезија и журнализам Пјер Беарн рече: “На Македонија и нејзиниот народ најпосле родени од Европа”.

Во рамките на програмата за културна соработка помеѓу Република Македонија и Долна Нормандија, студенти од различни катедри на Универзитетот за аудиовизуелни уметности, Европска Филмска Театарска и Танцова  Академија, во периодот помеѓу 1 и 6 Декември, се присутни во поголем број на културни институции во Нормандија.
Студентите по фотографија од класата на проф. Роберт Јанкуловски заедно со нивните колеги од "Куќата на аудио-визуелните уметности" од Нормандија приредија изложба во Градската Библиотека во Каен која значи поглед на  денешната млада генерација во Франција и Македонија на  100-годишнината од 1 Светска војна.
Студентите по актерска игра од класата на проф. Рубенс Муратовски приредија музичко-поетски спектакл во театарот "Хипоком" во Каен, инспирирани од творештвото на македонските писатели, посветено на 1 Светска војна.
Во антологискиот избор се застапени поетите Славко Јаневски, Блаже Конески, Ацо Шопов, Анте Поповски, Гане Тодоровски, Петре Андреевски, Јован Котески, Живко Чинго, Адем Гајтани и Хасан Мерџан.
Овој 3 годишен проект кој првата година се одвиваше на тема: фотографија , втората година на тема книжевност, третатата година  ќе биде посветен на француската и македонската кинематографија и нивната поврзаност со 1 Светска Војна .
Проектот се остварува со сесрдниот ангажман на Канцеларијата на АЛДА во Скопје, а автори на 3-годишниот проект се Константин Плевнеш и Илина Мангова.

Програма:

19 Ноември 2015, Кинотека на Македонија
18.00 - Отворање на конференцијата
18.30 - Проекција на документарниот филм
            “Цената на сексот”, реж. Мими Чакарова, Бугарија
19.30 - Коктел

20 Ноември, Универзитет за аудиовизуелни уметности
11.00 - Симпозиум: “Женските права низ призмата на
             аудиовизуелните уметности во Југо-Источна Европа”
14.00 - Пауза
16.00 - Работилница со Весна Дамчевска (новинар во Нова Македонија):
            “Од собата до Холивуд – Сликата на жената уметник
             во биографскиот филм”
18.00 - Проекција на документарен филм (Кинотека на Македонија)
            “Кисмет”, реж. Нина Мариа Паскалиду

21 Ноември, Универзитет за аудиовизуелни уметности
11.00 - Симпозиум: “Женските права низ призмата на
             аудиовизуелните уметности во Југо-Источна Европа”
14.00 - Пауза
16.00 - Работилница со Марија Џиџева (филмски режисер):
            “Женското филмско писмо во Југо-Источна Европа”
18.00 - Проекција на документарен филм (Кинотека на Македонија)
            “Барајќи си ја среќата”, реж. Марија Џиџева

Студентот Зоран Шекеров со прва награда на конкурсот за „Млади Уметници“ Во просториите на Националната галерија „Мала станица“, вчера се одржа вториот по ред конкурс за „Млади уметници“ организиран од страна на Агенцијата за млади и спорт. Студентот по фотографија на Универзитетот за аудиовизуелни уметности Есра, Зоран Шекеров, освои прва награда во вредност од 40.000 денари со фотографијата „Говор на тело“. Оваа година, за разлика од претходната, конкуренција беше значително подобра, со пристигнати повеќе од 150 дела во пет различни дисциплини и тоа сликарство, графика, скулптура, фотографија и графички дизајн, а првонаградените дела кои беа избрани од страна на стручното жири, се прогласени за најдобри во своите дисциплини заради искучителната уметничка работа, која вклучува елементи на експериментални и истражувачки приоди кон делото, внимателен и добро оформен концепт и иновативност во пристапот и имплементацијата.Изложбата ќе биде отворена до 20-ти ноември.

Повеќе информации за работата на Зоран Шеќеров, може да се најдат на неговата веб страна
www.zoransekerov.com

Вчера во Црногорскот народно позориштево Подгорица
ГОЛЕМА НАГРАДА ЗА ВЕЛИКАНОТ НА МАКЕДОНСКИОТ ТЕАТАР И ФИЛМ МЕТО ЈОВАНОСКИ
 
Култниот македонски актер Мето Јовановски  кој неодамна беше прогласен за Doctor Honora Causa на Универзитетот за аудиовизуелни уметности, наредувајќи се на тој начин на врвот на светската театарска и филкмска уметност, вчераво престолнината на Црна Гора се стекна со уште едно високо меѓународно признание од редицата награди  од различни светски центри.  
Мето Јовановски е добитник на „Големата награда“ на Црногорското народно позориштеза најзначаен уметнички резултат остварен на сцената на овој театар за 2015 година. Наградата свечено  му беше врачена во рамите на Денот на народото позориште, а  Одлуката на Советот на театарот предизвика овации меѓу присутните какви што одамна не се паметат во вакви пригоди во оваа средина, јавуваат црногорските медиуми.
Од оваа учебна година Мето Јовановски е професор по актерска игра на Универзитетот за аудиовизуелни метности во Скопје со што за првпат, овој меѓународно афирмиран уметник, водејќисвоја класа ќе ги пренесе своите знаењана идните поколенија.
Мето Јовановски припаѓа на екипата од соништа на најголеми актери на просторот што некогаш го нарекувавме Југославија. Сега е театарски и филмски актер кој не признава никакви граници.Црногорското народнопозориште имаше чест Мето Јовановски двапати да заигра на неговата сцена и тоа во две големи и значајни престави. Во 2001 година играше во „Малограѓани“ од Максим Горки во режија на Паоло Маѓели  и улогата на Василиј Василијевиќ му донесе статус на почесен член на ЦНП. Во изминатата сезона Мето Јовановски го играше Василиј во „Урнебесна трагедија“ од Душан Ковачевиќ во режија на Вељко Миќуновиќ. Василиј на Мето е создаден од контрапункт, движејќи се од чемер до смеа и назад притоапронаоѓајќи ги сите валери на сложениот ракопис на Ковачевиќ и иноватнивниот режисерски зафатна Вељко Миќуновиќ. Но, сепак, ликот  е само и исклучиво креативна сопственост на Мето  Јовановски.Тој игра на начин кој ги брише границите помеѓу театарот и животот што можат да го прават само големи мајстори.  Мето со својот актерски и човечки хабитус е мајстор- се вели во одлуката за наградата.

Во организација на Универзитетот за аудиовизуелни уметности, Драмскиот театар и Народниот театар од Битола, Македонија ќе биде дел од европската турнеја на театарот Ефемерид кој токму кај нас ќе ја има праизведбата на драмата “Исповед на една мазохистка”, чиј автор е едно од најголемите имиња на чешката драматургија Роман Сикора. Драмата “Исповед на една мазохистка” е една потресна симболичка и социјална слика на апсурдот во пост-комунистичката епоха на Европа и претставува сјајна драматуршка иновација која ќе је плени македонската публика.
Претставата ќе биде изведена на 21 Октомври 2015 на Малата сцена на Драмскиот театар во Скопје, со почеток во 20.00 часот, а на 24 Октомври, со почеток во 20.00 часот, претставата ќе има и своја изведба во Народниот театар во Битола.
Во претставата настапуваат актерките Јана Клејн и Наташа Машкевич, а режисер на претставата е Патрик Вершурен од Франција, чија што длабока поврзаност со Македонија и балканските драматургии трае речиси две децении. Своевремено во Драмскиот театар во Скопје тој ја постави драмата “Европа” од Ромен Гари и Рене Калиски и добитник е на високото француско признание Шарл Дулен за Балканската трилогија - “Гробница за Борис Давидовиќ” од Данило Киш, “Казна за Малвина” од Мирко Ковач и “Среќата е нова идеја во Европа” од Јордан Плевнеш, која беше играна во 120 театри низ цела Франција.
За време на престојот, режисерот Вершурен на 22 Октомври ќе одржи работилница на Универзитетот за аудиовизуелни уметности со студентите од класата по актерска игра на професорот Мето Јовановски, кои што кон средината на следната година ќе гостуваат на Универзитетот во Арас, Франција.

​На престижниот меѓународен фестивал "Арт Амфора" кој по 15-ти пат се одржа во Варна, Бугарија од 24 до 27 Септември 2015, а третира телевизиски и филмски програми работени за деца и младинци, Универзитетот за аудиовизуелни уметности доби три награди. 
Имено документарниот филм "Досие НЛО" работен по сценарио и режија на Ирена Каровска доби специјална награда, награда за камера му беше доделана на Александар Терпини за документарниот филм "Рокументарец", а посебно изненадување за жири комисијата предизвика документарниот филм "Заборавените" на Константин Плевнеш, кој доби "Гранд при".
Со овие три меѓународни признанија, Универзитетот за аудиовизуелни уметности уште еднаш ја потврди успешноста на својата мисија во едукацијата на високо квалитетни кадри во областа на аудиовизуелните уметности.

Македонскиот центар за фотографија, Кинотеката на Македонија и Универзитетот за аудиовизуелни уметности од Скопје Ве покануваат на презентацијата на тема: 
Историја на фотографијата, преку збирките на фотографската фондација М+М Оер“.
Фотографското богатство на Фондацијата ќе го презентира основачот Г-дин Мишел Оер. Презентацијата ќе се одржи во Галеријата на Кинотека на Македонија, 30.09.2015 (среда) во 19 часот.
Фотографската фондација М+М Оер е основана во 2009 година со цел да се заштитат и промовираат постојаните збирки како и да се надополнат со нови фотографски дела. Преку организирање на изложби на млади но и неправедно заборавени фотографи секојдневно ја надополнуваат меѓународната фотографска енциклопедија. Нивните публикации, како и организирањето на разни работилници, предавања, семинари придонесуваат во разбирањето на фотографијата како медиум за креативно изразување.
Во фотографската ризница на фондацијата Оер се наоѓаат преку 50 000 оригинални  фотографии кои потекнуваат од самиот почеток на фотографијата (1839) до денешен ден како и повеќе од 21 000 фотографски книги и преку 500 стари фотографски камери. 

www.auerphoto.com / За повеќе информации: robert.jankuloski@gmail.com

Прилог на Backstage од првиот академски час на Универзитетот за аудиовизуелни уметности.
Сите заинтересирани кандидати ги потесетуваме дека уписите за додипломски студии траат до 1 Октомври 2015, а за постдипломски до 1 Ноември 2015.

Европската праизведба на пиесата “Кирил и Методи who are you” од Јордан Плевнеш во режија на Марин Кочовски, а во изведба на Народниот театар од Прилеп во ко-продукција со Сфумато театарот од Софија, Киклос театарот од Солун и Нета (Новата театарска акција во Европа), синоќа беше изведена на Големата сцена на Националниот театар во Букурешт во рамките на Европскиот театарски фестивал и наиде на сјаен прием кај фестивалската публика која ја награди со долготрајни овации.
По самата претстава разговорите ги водеше Жорж Бану, професор на Сорбона и Претседател на Интернационалната асоцијација на театарски критичари (AICT). Г-динот Бану поздравувајќи ги присутните гости рече дека оваа престава е вистински драмски чин кој создава планетарна драма што за прв пат во историјата на светската драмаургија го третира прашањето дали е можна цивилизација на љубовта низ делото Св. Кирил и Методиј. Тој подвлече и дека Јордан Плевнеш со оваа драма го достигнува врвот на својата естетика, која е богатство не само за Македонија, туку и за Европа и Светот. Режијата на Мартин Кочовски беше оценета како револуционерно пледоаје кое од светот на Бертолд Брехт влегува со импозантна сила во светот на Плевнеш. Играта на актерите на прилепскиот театар и гостите од Бугарија и Грција, беше оценета како вистинска фасцинација и беа изречени суперлативи за истакнатиот актер Ѓорѓи Јолевски кој е носител на главната улога. Посебен акцент на храбриот спектакл даде легендата на романскиот теар Јон Карамитру, како и врвни книжевни имиња на Романија и гости од различни земји.
Амбасадорот на Република Македонија во Романија Панде Лазаревски, го оцени овој чин како историски настан и рече дека е најубавиот подарок за националниот празник 8 спетември - Денот на македонската независност, кој покажува дека со Кирил и Методи се освојува врвот на европската култура. Интернационалната Одисеја на претставата продолжува на Фестивалот Ристо Шишков во Струмица на 12 септември, а потоа и на фестивалот ExPonto во Словенија на 20 септември.