Уметниците проф .Љупчо Коскаров – труба,  проф.Јасна Аврамовска – пијано и  проф.Дарко Мариновски на 9 септември 2018 год. одржаа незаборавен концерт во ексклузивниот концертен простор ,,Klavierhaus" во Њујорк каде што пред  прекрасната и стручна публика ги изведоа делата на Ж.Бизе (Кармен фантазија), А. Дворжак ( 4 словенски танци), Д. Шостакович (концерт за 2 пијана и труба оп.35), А.Родриго (Аранјез) и Л.Бернштајн (Приказна од западната страна).

Нашите истакнати македонски уметници на овој концерт ги презентираа делата на овие автори на највисоко уметничко ниво силно пренесувајки ја интерпретацијата до срцата на слушателите.
Нивниот настап беше награден со бурни аплаузи и 3 биса на кои беа изведени македонските народни песни ,,Деспина“ , Тиквешки марш“ во стилизирана форма како и познатиот валцер бр.2 на Д.Шостакович, обработен за 4 рачно пијано и труба.

Исто така овие наши истакнати уметници на 7 септември во уметничката галерија на Македонскиот културен центар (Galery MC) одржаа краток концерт во чест на отворањето на изложбата на нашата еминентна сликарка Маријета Сидовски каде беа изведени двете стилизирани македонски песни ,,Деспина“ и ,,Тиквешки марш“ како и Кармен фантазијата од Ж.Бизе. И овој мал настап кај публиката предизвика бурни реакции полни со возбудливи емоции и воодушевување.
Ова е огромен успех и за нашиот универзитет кога нашите истакнати професори настапуваат во  големите метрополи како што е Њујорк и претставува мотивација за уште поголеми залагања.

ПРВ АКАДЕМСКИ ЧАС НА ГЕНЕРАЦИЈА 2018/2019
На 21 септември, во салата на Кинеотека на Македонија едно од најголемите имиња на современата турска музичка уметност – Кудси Ергунер, Амбасадор на мирот на УНЕСКО кој четири децении живее во Париз, со свечена беседа на ректорот Јордан Плевнеш, беше прогласен за Doctor Honoris Causa, низ презентација на неговото импресивно уметничко дело на сите меридијани.
На истата свеченост беше доделена традиционалната награда на универзитетот „Љубе Цветановски“ за најдобар креативен документарен филм, на младиот автор Илија Цветковски за филмот „Avec L’Amour“.
Деканите на факултетите за филмски и театарски уметности, како и на факултетот за применета музика ги доделија индексите на новите студенти, како и дипломите на завршените студенти.

14.Септември 2018
Почеток 20:00 ч.
Локација Театарска сала, Македонски железници - Инфраструктура,
(влез од паркингот пред Пошта 2)

Центарот ќе има за цел надминување на разликите, помирување  и доближување на младите од Балканот  (особено од Црна Гора, Косово, Албанија, Македонија, Босна и Херцеговина и Србија) во духот на европските вредности. Проектот ќе ги поврзува младите културни творци од областа на театарот, музиката, ликовните уметности, драмската уметност, новите дигитални медиуми во знакот на реченицата на Жан Моне: „Да се гради Европа значи да се гради мир.“.
Во таа насока универзитетот ЕФТА ја објави книгата „Европа наш заеднички дом“ , со предговор на амбасадорот на Република Франција во Република Македонија Кристијан Тимоние која што може да биде патоказ за младите генерации .
Активностите ќе се одвиваат низ театарски, филмски, музички и други работилници, симпозиуми, реализација на театарски претстави, филмски проекции на кратки играни, документарни и анимирани филмови, фотографија во соработка со:
- Нов бугарски универзитет  од Софија, Бугарија
- Академија за уметности од Приштина, Косово
- Академија за театар и филм од Сараево, Босна и Херцеговина
- Националната академија за театар и филм од Букурешт, Романија
- Академија Нова од Белград, Србија
- Факултет за драмски уметности од Цетиње, Црна Гора
- Филмска академија од Тирана, Албанија
- Фестивал за модерен театар од Грција


ПРОГРАМА НА НАСТАНОТ

• Свечено отворање на настанот од ректорот на универзитетот Јордан Плевнеш и Директорот на Македонски железници-Инфраструктура, Ирфан Хасани
• Обраќање на Лидија Димова, директор на Националната агенцијата за европски образовни програми и мобилност
• Обраќање на Раководителот на секторот за соработка на Делегацијата на Европска Унија Никола Бертолини
• Обраќање на Директорот на Францускиот институт во Скопје, Емануел Римбер
• Проекција на спотови на Универзитетот за аудиовизуелни уметности ЕФТА, Скопје
• Претставување на книгата „Европа нашиот заедничи дом“ Андреј Серафимовски и Ива Милчева
  
• Монолог од претставата – „Женска утопија“-  Димитрина Мицкоска
• Спот и презентација на Интернационалниот театарски фестивал „Актерот на Европа“
  
• Настап на специјалниот  гостин Василиј Лаерти од Тирана, Албанија, добитник на наградата „Актерот на Европа“ 2018
• Претставување на новата катедра Филм и дигитални уметности на Универзитетот за аудиовизуелни уметности ЕФТА. Презентер  Доц.  Димитар Николов
• Претставување на актерот Мето Јовановски, добитник на наградата  „Златен платан“, 2018 Требиње, БИХ и на режисерот Дејан Пројковски, добитник на наградата „Јудита“ за најдобра претстава на 64. Сплитско лето 2018, Хрватска