На 24 и 25 март гостин на Универзитетот за аудиовизуелни уметности ЕСРА Скопје, Кинотеката на Македонија и Амбасадата на Република Чешка, беше еден од најпознатите светски режисери Јиржи Менцел. На свеченоста која се одржа на 24 март во салата на Кинотеката, Менцел беше прогласен за Doctor Honoris Causa на Универзитетот ЕСРА, а беше прикажан и филмот "Строго контролирани возови", за кој што Менцел доби Оскар. Следниот ден Менцел одржа отворен час, на кој што покрај нашите студенти присуствуваа филмаџии, новинари и љубители на филмот кои што имаа единствена можност да му поставуваат прашање на кои што Менцел со задоволство одговараше. На повеќе може да видите и неколку фотографии од чинот на прогласувањето на Менцел за Doctor Honoris Causa. 

На 24 и 25 март (вторник и среда) гостин на Универзитетот за аудиовизуелни уметности ЕСРА Париз-Скопје-Њујорк, Кинотеката на Македонија и Амбасадата на Република Чешка ќе биде Јиржи Менцел. Оваа активност е поддржана и од Националниот филмски архив на Чешка со кој Кинотеката има извонредна соработка и кој ги отстапи филмовите за прикажување.

Зе време на неговиот престој, Менцел ќе биде промовиран во професор Doctor Honoris Causa на Универзитетот за аудиовизуелни уметности ЕСРА Париз-Скопје-Њујорк, а Кинотеката на Македонија ќе му додели Повелба за особен придонес во светската кинематографија.

Во периодот помеѓу 3 и 14 март Културниот центар КВАРТЕТ престојуваше во Санкт Петерсбург (Руска Федерација) по покана на две театарски институции - Балтиски меѓународен фестивалски центар и Музејот на Достоевски. На 5 март во рамки на VII интернационален биенален фестивал на монодрама "Монокл", на сцената на Балтиски Дом, Квартет се претстави со монодрамата ЕЕГ-Електроенцефалограм, авторски проект на Ѓорѓи Јолевски и Театар КВАРТЕТ (во копродукција со МНТ и ЕСРА) каде освои Специјална награда за разновидност во начинот, пристапот и формата при создавањето на монодрамата како театрска уметност, доделена од претседателот на Меѓународната асоцијација на фестивали на монодрама, г-дин Валериј Хазанов, театрски критичар од Москва.

Во организација на Универзитетот Сорбона, Фестивалот Поетска пролет и Универзитетот за аудиовизуелни уметности ЕСРА Париз-Скопје-Њујорк, на Сорбона, еден од најстарите и најпрестижните Универзитети во Европа утре, на 10-ти март, ќе се одржи манифестацијата “Македонија во срцето на светската поезија” на која ќе настапи плејада на најзачајните француски поети меѓу кои и трите добитници на Златен венец на Струшките Вечери на Поезијата Yves Bonnefoy, Adonis и Vasco Graca Moura.