Универзитетот за аудиовизуелни уметности, ЕСРА Париз-Скопје-Њујорк започна со уписите за нови студенти за учебната 2009/2010 година. Уписите траат до 27.09.2009 година. Сите заинтересирани кандидати можат потребните информации да ги најдат на нашиот сајт, на тел. 02 3061-543 или лично во просториите на Универзитетот. Во прилог следи и конкурсот за упис. 

Оваа сабота, 16.05.2009, на популарната Школка во Градскиот парк, во периодот помеѓу 13.00 и 01.00 часот, во организација на Универзитетот за аудиовизуелни уметности, Европска филмска академија, ЕСРА Париз–Скопје-Њујорк, ќе се одржи хепенингот насловен како “Пролетен ден со ЕСРА”.

Универзитетот за аудиовизуелни уметности, ЕСРА Скопје и проектот "Младите ги истражуваат човековите права во Македонија" Ве покануваат да ја проследите промоцијата на трите кратки филмови „Лавиринт“, „Urgent” и „Црно, Бело, Црвено“ кои претставуваат производ на шестмесечниот едукативен и процесно ориентиран проект (декември, 2008- мај, 2009) реализиран од страна на млади-средношколци од четири средни училишта на град Скопје. Кратките филмови ќе се промовираат во просториите на Кинотека на Македонија, на 15.05.2009, петок со почеток од 12.30 часот.

На 5-ти мај стартува првиот приемен рок на Универзитетот за аудиовизуелни уметности ЕСРА Париз-Скопје-Њујорк и истиот ќе трае до 15-ти мај. Сите студенти кои што ќе се пријaват во мај добиват попуст од 5%. Следните рокови за пријавување се вториот 5-15 јуни, третиот од 5-15 август, и четвртиот од 1-10 септември.

Универзитетот за аудиовизуелни уметности ЕСРА Париз-Скопје-Њујорк, ќе биде партнер на овогодинешниот Скопски Филмски Фестивал. Имено во рамките на фестивалот во периодот помеѓу 25 и 27 април ќе се одржи работилница која што ќе ја води познатиот македонски режисер кој живее и работи во Чешка Иво Трајков. На работилницата свое учество ќе може да земат студенти на ЕСРА, но и студенти на ФДУ. Целта е учесниците за три дена да направат филм. Универзитетот за успешната реализација на работилницата на учесниците на располагање ќе им ги стави своите просторни и технички ресурси, како и помошта и советите на своите професори и вработени.