Од 23 до 28 август во просториите на Универзитетот за аудиовизуелни уметности, ЕСРА Париз-Скопје-Њујорк ќе се одржи втората по ред Летна Рок Школа од Митровица, а истата ќе финишира со концерт на 28 август на локацијата Школка во Градскиот парк.

На концертот, млади рок музичари од Митровица, Косово, ќе ни ги претстават песните кои ќе ги вежбаат во нови бенд формации во текот на Летната школа (како дел од Рок школата на Митровица). Еднаш годишно, студентите на Рок школата од Северна и Јужна Митровица доаѓаат заедно во Скопје за да ги унапредат своите музички вештини, да учат едни од други и да ги надминат предрасудите.

ПОЗНАТИ ЛАУРЕАТИТЕ НА ГОДИНАШНИВЕ ЗЛАТНИ МАСКИ
Одличјата за Дранговски и петте прилепски грации

Актерот Огнен Дранговски од Битолскиот театар за улогата на Аљоша Карамазов во претставата Браќа Карамазовии, режирана од Дејан Пројковски, професор по театарска режија на Универзитетот за аудиовизуелни уметности, ЕСРА и комплетната женска екипа од претставата Крпен животт на НТ Војдан Чернодрински од Прилеп, а во режија на Владо Цветановски: Наташа Наумоска, Марија Спиркоска Илијески, Даниела Стојковска, Катерина Чакмакоска, Јасмина Мицоска Станкоска, се годинашниве лауреати на традиционалната Златна маска што Редакцијата ВЕЧЕР ја доделува за најдобра женска и машка улога на театарскиот дел од Фестивалот Охридско лето.

Минатата недела во периодот од 06 до 11 јули по седми пат во духот на културната соработка меѓу Македонија, Албанија и Грција, трите народи и трите јазици кои што се говорат во Преспанскиот регион, а под мотото “Езеро без граници” во Сарајот во Ресен се одржа Интернационалниот театарски фестивал “Актерот на Европа”. Фестивалот беше отворен со проекција на три краткометражни филмови од македонски, грчки и албански автори, а во посебното обраќање на Претседателот на Република Македонија Г-динот Ѓорге Иванов беше навестена можноста токму “Актерот на Европа” и Преспанското Езеро да бидат место на средба на претседателите на Македонија, Албанија и Грција при неговото следно издание во 2010 година.

Од 06.07 до 11.07.2009 ќе се одржи 7-миот интернационален театарски фестивал “Актерот на Европа”. Во рамките на фестивалот ќе бидат прикажани 7 претстави и тоа “Минхаузен” од Хрватска, “Ноќта” од португалскиот нобеловец Жозé Сарамаго во изведба на Театарската трупа “Камоиш” при Филолошкиот факултет од Скопје, “Кројцерова соната” на Народниот театар Штип, “Театри и последици” на Миремонт Рожер од Франција, “Среќен роденден” на Додона Театар од Косово, “Ништо поубаво” на Модерен театар од Бугарија и “Незавршена приказна” на Градски театар Скопје.

На 2-ри Јули гостин на Универзитетот за аудиовизуелни уметности ЕСРА Париз-Скопје-Њујорк ќе биде легендата на светската музика и филм Шарл Азнавур. Повод за гостувањето е неговото прогласување за Doctor Honoris Causa на нашиот Универзитет. Свеченоста ќе се одржи во салата на Кинотека на Макеоднија.

Универзитетот за аудиовизуелни уметности, ЕСРА Париз-Скопје-Њујорк започна со уписите за нови студенти за учебната 2009/2010 година. Уписите траат до 27.09.2009 година. Сите заинтересирани кандидати можат потребните информации да ги најдат на нашиот сајт www.esra.com.mk, на телефонот 02 3061-543 или лично во просториите на Универзитетот. Првиот уписен рок заврши усшешно и веќе имаме 20-тина запишани студенти. Вториот уписен рок на ЕСРА е од 5 до 15 јуни. Во прилог следи и конкурсот за упис.