Ректорот на Универзитетот за аудиовизулени уметности ЕСРА Париз-Скопје-Њујорк во својство на Потпретседател на Интернационалниот комитет за дијалог помеѓу цивилизациите на УНЕСКО, учествуваше на Светската коференција за иднината на Зелената планета, која што се одржа во палатата на Обединетите Нации во Женева од 30.09 до 01.10.2009 година. На Светската конференција која започна со симболичко садење на дрво пред Интернационалниот центар за конференции во паркот на Женевското езеро, од страна на Реми Пагани, Градоначалник на Женева, учествуваа голем број на Претседатели на држави, Министри и Претседатели на различни меѓународни научни институции и невладини организации.

Голем успех на Турскиот театар од Скопје. Претставата Siyah Kalem ќе учествува на престижниот Интернационален фестивал во Каиро.

Со одлука на Интернационалното жири во кое членуваат видни театарски дејци од целиот свет на 21-вото издание на престижниот Интернационален театарски фестивал во Каиро е избрана претставата на Турскиот театар од Скопје “Siyah Kalem” по текст на Илхами Емин и Јордан Плевнеш, а во режија на Владо Цветановски. Главниот актер на претставата Елеса Касо ја доби наградата за најдобра машка улога на Фестивалот Војдан Чернодрински 2009.

Документарниот филм “Планета Баир” во режија на Константин Плевнеш, по сценарио на Марија Стојчевска, a во продукција на ЕФА и Универзитетот за аудиовизуелни уметности ЕСРА Париз-Скопје-Њујорк, ќе биде прикажуван во периодот од 16 то 19 Септември со две проекции дневно во Македонскиот културен центар во Њујорк.

На 15.09.2009 во просториите на Универзитетот за аудиовизуелни уметности ЕСРА Париз-Скопје-Њујорк и Кинотеката на Македонија се одржа првиот студентски час на кој покрај новозапишаните студенти присуствуваа и студенти од првите две генерации, родители и пријатели на институцијата. Особена чест беше и присуството на Градоначалникот на Град Скопје, Коце Трајановски, кому добредојде му пожели Ректорот на Универзитетот Г-динот Јордан Плевнеш. Градоначалникот во својот говор на студентите им посака успешна учебна година и одлични резултати.

Универзитетот за аудиовизуелни уметности ЕСРА Париз-Скопје-Њујорк, како прв приватен Универзитет од овој вид во Македонија и Југо-Источна Европа, на 15-ти септември, во 11 часот во Кинотеката на Републикa Македонија ќе организира свечена академска церемонија по повод почетокот на учебната 2009/2010 година за сите студенти од петте факултети на овој високо-образовен мост меѓу Македонија, Европа и САД.

Во 2000-та година на иницијатицва на Г-динот Јордан Плевнеш, Ректор на Универзитетот за аудиовизуелни уметности ЕСРА Париз-Скопје-Њујорк, започна една од најблагородните манифестации на интернационализацијата на великанот на македонската книжевност Григор Прличев во неговата спомен куќа во Охрид. Прв говорник беше францускиот поет Жан Ложие, познат по неговите Беседи за Прличев на париската Сорбона, а потоа следуваа поети од Канада, Белгија, Русија, Албанија, Бугарија, Шпанија итн.