Во периодот од 28.11.2009 до 08.12.2009 реномираниот професор Д-р Роберт Саздов од Универзитетот во Лимерик, Ирска, ќе одржи workshop со серија предавања и презентации на тема “Cinema for the ears”.

Во периодот од 02 до 04 декември на Универзитетот за аудиовизуелни уметности ќе се одржи конференцијата за танц со наслов: "СОВРЕМЕНИОТ ТАНЦ (КУЛТУРА) КАКО ФАКТОР НА ТРАНСФОРМАЦИЈА НА ОПШТЕСТВОТО".

Оваа конференција е поддржана од Амбасадата на Кралството Холандија во Република Македонија и партнери на Интерарт културен центар.

Во рамките на оваа конференција ќе се говори за поврзаноста на современиот танц (култура) со социјалниот аспект на општеството во транзиција и потребата од влијание за понатамошно менување на уметничкиот и менаџерскиот склоп во свеста на секој поединец.

На 4 декември на престижната чешка филмска академија FAMU предавање ќе одржи младиот македонски режисер Константин Плевнеш. Во рамките на предавањето ќе бидат прикажани двата документарни филма на Плевнеш "Планета Баир" и "Заборавените", а ќе бидат прикажани и филмовите "Земјата без леб" и "Заборавените" од Луис Буњуел кои што всушност му беа инспирација на Плевнеш при изработката не неговите филмови.

Интернационален книжевен форум

по повод

20-годишнината од падот

на Берлинскиот ѕид

Во специјалното издание на најтиражниот француски весник "Ла круа“ (9 ноември 2009) по повод 20-годишнината од падот на Берлинскиот ѕид, објавен е книжевно-политичкиот есеј на македонскиот писател Јордан Плевнеш, посветен на иднината на Балканот во заедничкиот европски дом.  Во него е најавен интернационалниот форум “Падот на берлинскиот ѕид низ призмата на романот Осмото светско чудо од Јордан Плевнеш” што Институтот за македонска  литература во соработка со МАНУ и Универзиотетот за аудиовизуелни уметности ЕСРА Парис-Скопје-Њујорк ќе го организира на 20 и 21 ноември во Кинотеката на Македонија во Скопје.

На 05.11.2009 свечено беше отворена Седмата по ред Северноамериканско – Македонска конференција на Универзитетот во Солт Лејк Сити во државата Јута со обраќање на организаторите на овој значаен собир, Акад. Виктор Фридман од Универзитетот во Чикаго и Проф. Д-р. Џеин Хекман од Универзитетот во Солт Лејк Сити.

На 03 Ноември во Los Angeles се одржа средба помеѓу Ректорот на Универзитетот за аудиовизуелни уметности, ЕСРА Париз–Скопје–Њујорк, Г-динот Јордан Плевнеш и Потпретседателот на Американскиот Филмски Институт од Холивуд, Г-динот Joe Petricca. Американскиот Филмски Институт е престижна академска институција во доменот на филмските и театарските уметности, низ чие четриесет годишно постоење поминале врвни имиња на американскиот и светскиот филм и театар.