Фотографии од премиерната изведба на претставата

"Play Beckett",

07 февруари 2010, Драмски театар

Во петок, 12.02.2009, со почеток во 19.00 часот, во Кинотеката на Македонија, господинот Макс Азуле, основач и претседател на групацијата ЕСРА и претседател на Францускиот филмски фестивал во Охрид, ќе ја има македонската премиер на својот најнов краток игран филм “Red Carpet”. Главните улоги во филмот ги толкуваат американската актерка Кармен Чаплин и француската актерка Сирнел Дбреј.

Првата дипломска генерација од  Универзитетот  за аудиовизуелни уметности, ЕСРА Париз–Скопје–Њујорк, од катедрата за актерска игра во третa година, во класата на Ѓорѓи Јолевски, ќе ја изведе испитната претстава "Play Beckett" според творештвото на ирскиот нобеловец Самјуел Бекет. Претставата ќе биде изведена на 07 февруари (недела) 2010 година во 20 часот на големата сцена на Драмски Театар – Скопје. Истата претстава студентите од трета  година по актерска игра од ЕСРА ќе ја изведат следниот ден на 08 февруари во 20 часот во Детскиот Театарски Центар кој се наоѓа во старата Скопска чаршија. Со претставата "Play Beckett", студентите  по актерска игра  во класата на Ѓорги Јолевски ќе гостуваат на три фестивали во Франција и тоа: На Универзитетот во Арас, Националниот конзерваториум за драмска уметност во Руан и на Фестивалот (ACTEA во Кан).

На 3.02.2010 во Детскиот театарски центар ќе се одржи премиерата на претставата “На Отворено”, текст на Славомир Мрожек, во режија на Андреј Цветановски и Ирена Стеријовска, студенти по театарска режија на Универзитетот за аудиовизуелни уметности ЕСРА. Повеќето студенти кои учествуваат во овој проект и припаѓаат на првата генерација на Универзитетот. Со оваа претстава официјално се отвора академската сцена на ЕСРА која ќе претставува медиум преку кој ќе се изразуваат студентите и нивните уметнички креации.

На 22.01.2010 во салата на Кинотека на Македонија, со почеток во 20.00 часот ќе се одржи премиера на краткиот игран филм во режија на Гоце Цветановски "За ферџето и за среќата".  Филмот е сниман во продукција на Универзитетот за аудиовизуелни уметности ЕСРА, Македонска Крепост  и Tomay Production. Сценариото е на Мајкл ДиАнтони, музиката е на групата Љубојна, а главните улоги ги толкуваат Валдета Исмаили, Роберт Ристов и Мајкл ДиАнтонио. Директор на фотографија е професорот по филмска и ТВ камера на Универзитетот ЕСРА Горан Наумовски., а покрај него во снимањето учествуваа и студенти од Универзитетот.

Ин­дис­ки­от композитор, хуманист и филозоф Рави Шанкар, жива легенда во светската музика, заедно со неговите две ќерки, ситаристката Анушка Шан­кар и кантавторката Нора Џонс, на 9 август ќе дојдат во Охрид каде што ќе одржат концерт на фестивалот Охридско лето. Претходно во Скопје ќе би­де прогласен за почесен доктор на науки на Универзитетот за ау­ди­о­ви­зу­ел­ни уметности ЕСРА Париз - Скопје - Њујорк, а во Охрид, на 9 август, на праз­ни­кот Св. Климент и Пантелејмон ќе му биде врачена Светската наг­ра­да за хуманизам на Охридската академија на хуманизмот за 2010 го­ди­на.