На 1 Јуни (Вторник) во просториите на Универзитетот за аудиовизуелни уметности, со почеток во 11 часот, во организација на Media Solutions и на системот за дигитален маркетинг “Keep an Eye”, ќе се одржи манифестацијата "Избор на Веб Сајт на Годината". Целта на оваа манифестација е да допринесе во развојот на интернет сајтовите и воопшто на интернетот во Македонија. Со доделувањето на овие признанија на луѓето и компаниите кои се посветиле и инвестирале во изработка на Веб сајтови и солуции за разни примени и кои со својата активност успеале од нив да направат неизбежни чинители во секојдневието на се поголем број Македонци, сметаме дека ќе допринесеме во понатамошниот прогрес и имплементација на интернетот во Македонија.

Манифестацијата подразбира доделување на награди и признанија во следните категории: Најдобар Сајт на Годината, Најдобар Информативен Сајт, Најдобар Бизнис Сајт, Иновативен Сајт на Годината и E-commerce Сајт на Годината. Покрај доделувањето на наградите настанот вклучува и развивање на дискусии и покренување на иницијативи за одржување на семинари и конференции од областа на интернетот во Македонија.