Премиера на претставата АРТ од Јасмина Реза во режија на Ирена Стеријовска. Претставата е дел од дипломската работа на студентот од 3-та година по театарска режија Ирена Стеријовска. Претставата ќе се одржи на 27.05.2010 (четврток) со почеток во 16 часот во Драмски театар - мала сцена. Во претставата играат: Ненад Митевски - студент на 3-та година актерска игра на ФДУ, Никола Ацески - студент на 3-та година актерска игра ЕСРА, Александар Ѓоргиески - студент на 3-та година актерска игра ЕСРА.

“Арт” ги отвара прашањата за инаквоста и нејзината антитежа, за доминацијата и влијателноста, ја предизвикува свесноста за таа безмалку инстиктивна потреба “да се биде со некој” , за нејзините последици, за условите кои предизвикуваат еден вид прелевање, пресликување на поединците во колективни претставници. Тука се поставува прашањето:” да се биде со некој” ја детерминира афирмативноста на “да се биде некој” и дали функционирањето во заедница неотповикливо значи губење на сопствената форма и маса? Предизвиканиот судир ја деконстуира токму формата на едно пријателство и ја менува субстанцата на колективот. Дали

 Дали безусловното залагање на современието да се уништат сите дотогаш постоечки принципи е повикување на комплетно осамостојување  (отуѓување) или обид за хомогенизирање на неспоиливите екстреми? И конечно, постои ли бескомпломисен баланс кој може да доведе до совршен компромис?